3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 2

2:24 - Michael

Michael Rosing Ilulissani, illoqarfimmi nunarsuarmi sermit iigartartut annersaasa eqqaaniittumi, peroriartorpoq. Michaelip inuunermini ukiut qulit siulliit Kalaallit Nunaanni pinngortitarsuarmi kusanaqisumi iluliarsuillu illorsuartut portutigisut akornanni atorpai.

Anaanaa qallunaajuvoq ataataalu kalaaliulluni. Ilaqutariit Danmarkimut nuupput Michaelilu qallunaat atuarfianni aallartippoq. Danmarkimiinnerat ajornaatsuinnaasimanngilaq kalaallisullu oqalunneq puiorpaa.

Michael maanna Nunatsinnut uternikuuvoq, maanilu angerlarsimasutut misigisimalluni. Umiatsiaqarpoq kangerlummilu illuaraqarluni nipaannersuaq misigiartorlugu ornittakkaminik, nipaanneq Kalaallit Nunaata kangerluini kisimi misigisassaq. Michael kalaaliviuvoq; politikeriuvoq, Demokraatini ilaasortaalluni ullaallu tamaasa, sila qanoq ikkaluaarangalluunniit, Nuussuarmiit Inatsisartut allaffeqarfiannut pisuttarpoq.

Inatsisartunut ilaasortat 31-t ilagaat, Michaelili oqaluttarfimmut pigaangami kalaallisut oqalunnani qallunaatut oqaluttarpoq. Kalaallisut oqaatsit ilikkarnikuusimanngilai, maannali ilinnialersimallugit.

Aallakaatitsivimmiipput: Niviaq Korneliussen (atuakkiortoq). Peqataasoq: Michael Rosing. Aaqqissuisuupput: Emil Rothstein Christensen aamma Mikkel Rønnau.

KNR Radio ullut tamaasa juullimut ammartakkanik sisamanik aallakaatitsisassaaq:

Nal. 7.20 Serrat

Nal. 7.30 Inersimasunut ammartagaq

Nal. 7.45 3900 Nuuk

Nal. 9.07 Hitlistip juullimut ammartagaa

Uku unnukkut aallakaateqqinneqartassapput:

Nal. 19.12 Serrat

Nal. 18.32 Inersimasunut ammartagaq

Nal. 18.45 3900 Nuuk

Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.