Kulturi

3900 Nuuk Niviaq Nuummiullu allat illoqarfimminnik ilisarititsinerat tusarnaaruk, imm. 15

Radiokkut aallakaatitassiami decembarip 24-ata tungaanut ullut tamaasa ammaasassaagut, Niviaq Korneliussenip juullimut ammartakkami "3900 Nuuk"-mi Nuummiuiit pillugit ilisarititsisassalluni.

Allattoq Aaqqissuisoqarfik

decembarip 15-at 2015 05:46

15:24 - Frederik

Nuuk illoqarfik pingasunik immikkoortortaqarpoq; Nuuk, Nuussuaq Qinngorpullu. Ullumi Nuup Beverly Hilllsianiippugut, Tuapannguani. Aqquserngup illuatungaaniipput blokkit nutaaliarsuit, illuatungaanilu illuinnaat qisummik sanaat, millionilikkaanik akillit.

Maanngaanniit arferit kangerlummiittut takuneqarsinnaapput. Frederik Elsner nipilersunngikkaangami qatanngutiniluunniit Christian ilagalugu sungiusanngikkaangami taamaaliortarpoq.

Aallakaatitsivimmiipput: Niviaq Korneliussen (atuakkiortoq). Peqataasoq: Frederik Elsner. Aaqqissuisuupput: Emil Rothstein Christensen aamma Mikkel Rønnau.

KNR Radio ullut tamaasa juullimut ammartakkanik sisamanik aallakaatitsisassaaq:

Nal. 7.20 Serrat

Nal. 7.30 Inersimasunut ammartagaq

Nal. 7.45 3900 Nuuk

Nal. 9.07 Hitlistip juullimut ammartagaa

Uku unnukkut aallakaateqqinneqartassapput:

Nal. 19.12 Serrat

Nal. 18.32 Inersimasunut ammartagaq

Nal. 18.45 3900 Nuuk

Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.

Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.

Aamma takuuk knr.gl/juulli