3900 Nuuk Niviaq nuummiullu allat illoqarfimminnik ilisarititsinerat tusarnaaruk, imm. 1
Nuuk nunarsuarmi qeqertat anginersaanni Kalaallit Nunaanni illoqarfiit pingaarnersaraat. Nuuk Kalaallit Nunaannut tamarmut eqiteruffiuvoq nuummiullu illoqarfitsik nunarsuarmi illoqarfissuit mikinersaattut taasarpaat.
Avannaamiut, kujataamiut, tunumiut kitaamiullu Nuummi najugaqarput. Inuusuttut nunarsuarmi inuusuttut allat assingalugit pissutsinut nutaanut malinnaalluartut maaniipput, aamma piniartutoqqat avannaaneersut ilaqutariillu danskit Danmarkip silaannaa isugutattoq qimallugu Kalaallit Nunaannut panernerusumik silaannaqartumut nillernerusumullu nuukkallarsimasut maani aamma najugaqarput.
Nuummiipputtaaq inissiarsuit pisoqalisimasut grafittimik qalipaaffigineqarsimasut, illut kusanartorpassuit, illorsuit skyskraberit illuaqqallu ataasiinnarmik initallit. Aammali inissiarsuaqarpoq nutaalianik, suliffeqarfissuit betonimik sanaat qarasaasiarpassuaqarfiusut, aamma kalaalimineerniarfeqarpoq nerisassanik nutaanik assigiinngitsunik ullut tamaasa tuniniaaffiusumik. Nuummi inuusuttut ilagaat Hans Henrik. Taanna iPhoneqarpoq. Youtubemi videonik isiginnaartarpoq. Aamma torlussortartuuvoq. Hans Henrik tassaavoq inuk nunarsuarmut attaveqartoq.
Aallakaatitsivimmiipput: Niviaq Korneliussen (atuakkiortoq). Peqataasoq: Hans Henrik Suersaq Poulsen. Aaqqissuisuupput: Emil Rothstein Christensen aamma Mikkel Rønnau.
KNR Radio ullut tamaasa juullimut ammartakkanik sisamanik aallakaatitsisassaaq:
Nal. 7.20 Serrat
Nal. 7.30 Inersimasunut ammartagaq
Nal. 7.45 3900 Nuuk
Nal. 9.07 Hitlistip juullimut ammartagaa
Uku unnukkut aallakaateqqinneqartassapput:
Nal. 19.12 Serrat
Nal. 18.32 Inersimasunut ammartagaq
Nal. 18.45 3900 Nuuk
Immikkoortut aallakaateriikkat DR-ip nittartagaani tusarnaarsinnaavatit imaluunniit 3900 Nuuk podcastitut tusarnaarsinnaavat.
Soorlumi aamma "Inersimasunut Ammartagaq" KNR-ip nittartagaani maani tusarnaarneqarsinnaasoq aamma podcastitut tusarnaarneqarsinnaalluni.
Aamma takuuk knr.gl/juulli