Niviaq kingullersaavoq
Norgemiu 23-nik ukiulik Therese Johaug ullumi nunarsuarmi pissartanngorpoq Val di Fiemme-mi VM-qarnerani. Taanna 10 kilometerimut fristilimik unamminermi ajugaavoq atorsimallugit 25,23 minutter. Taassuma tullersortigaa aamma Norgemeesoq Marit Bjørgen sølvinnannermimi 25,33 minutit ingerlaartoq.
Niviaq Chemnitz Berthelsen peqataasunit 77-nit normu 77-ulluni apuuppoq atorsimallugit 30,55 minutter. Toqqagassarisimavai sisoraatit unammissutit imaluunniit kissassernermi atukkani. Toqqaanerliorpoq assut ilungersuanermik kinguneqartumik.
- Manissutigut ajunngikkaluarpoq kisianni qummukajaani assut ilungersornarpoq, Niviaq Chemnitz Berthelsen oqarpoq.
Val di Fiemme-mi VM-qarnerani Niviaq Chemnitz Berthelsen unammeqataaqqissanngilaq tullianillu unammissaq Norgep avannaamiut pissartanngorniunneranni. Tamatuma kingorna nunatsinnukassaaq Arctic Circle Race-mi aamma GM-mi peqataajartorluni.
Uani video-mi takusinnaavat ullumikkut unamminerminni ingerlaarfiat:
