Nive Nielsenip nuuteeraliaa nutaaq saqqummerpoq
Nuuteerarlu nutaaq "Feet First"-imik taaguuteqarpoq, Europamilu nunani tamani tyskinit Glitterhouse Recordsimit saqqummersinneqassalluni. Nunatsinni Atlantic Music saqqummiisuussaaq.
Nive Nielsenip tusarnaartitsisaqattaarnermini nuuteeraq USA-mi, Englandimi, Belgiami, Danmarkimilu immiuppaa. Aamma Uummannami immiussaqarpoq, tassani meeqqat perorsaavimmi najugallit immiusseqatigillugit.
Aamma atuaruk Nive Nielsen USA-mi tusarnaartitseqattaalersoq
Nive Nielsenip nuuteeraliaa, kalaallisut tuluttullu erinarsornertaqartoq, Europami allaatigilluarneqartoq, Nunatsinni ullumi saqqummersinneqarpoq.
Nivi Nielsenip arfineq pingasunik nipilersortartunik ilaasortaqarpoq, upernaamullu Europami Skandinaviamilu tusarnaartitseqattaassallutik.
Nive Nielsen nuuteeqqaamik saqqummersitseqqaarnerata kingorna nunani assigiinngitsuni tusarnaartitsisaqattaariarluni angalavoq, ilaatigullu kunngissakkunnit 2012-mi nersornaaserneqarluni. Kommuneqarfik Sermersuullu kulturimik nittarsaasartussaatut kingusinnerusukkut toqqarneqarluni.
Aamma atuaruk Nive Nielsen spiller i Canada
