Nive Nielsen Nunatta avataani tusaamaneqarlualerpoq
Nive Nielsenip cd-liaa aasaq saqqummersoq, erinarsukkanik 15-inik, Nivimit namminermit erinarsuusiarineqartunik, imaqarpoq. CD taanna maani nuannarineqaqisoq, Nunatta Danmarkillu avataani soqutigineqarlualersimavoq.
Taamaalilluni arsaq manna juulimi Nivi USA-mi atuagassiami nipilersukkanik sammisaqartumi sapaatip akunnerata nipilersortartuatut toqqarneqarpoq.
Nivi tuluttut kalaallisullu erinarsortarpoq, taalliaalu assigiinngitsorpassuarnut tunngasuupput, soorlu uraanisornermut tunngasuniit ulluinnarni pisartunut tunngasinnaasarlutik, soorlu kaffiliortarnermut støvsugernermullu tunngasut.
Nive Nielsen nipilersortartuilu sapaatip akunnerata naanerani, filmip Nuummiup Nuummi takuteqqaarneqarneranut atatillugu nuannarineqaqalutik nipilersorput. Taamaalillunilu Købanhavnimiut arfininngorpat alutornartumik erinalimmik tusarnaagaqarsinnaassapput.
