Nive Nielsen musikfestivalimi tikeraartuussaaq
Amerikamiut ulluni makkunani Nive Nielsenip erinnanik nuannaarpaluppallaanngitsunik atuisarnera nuannaarutigisinnaavaat.
Kalaaleq arnaq erinarsortartoq taanna Sermitsia.ag-mi allaaserisaq naapertorlugu pingasunngormat nipilersortarfimmi tusaamasaasumi Maggie Mae-mi tusarnaartitsivoq.
Aqagu tallimanngornermi Nive Nielsen Austinimi Texasimiittumi ukiumoortumik festivaleqarnerani pulaartuussaaq. Tassani Los Angelesimut tunngatillugu Recort Clubimit aaqqissuunneqartumi oqalliffimmi, LA-mi qaammatit tmaasa taamaangajattunik oqallilluni ataatsimiititsisartumi, naliliisartut peqatigalugit issiassaaq.
Aammattaaq Nive Nielsen arfininngorpat privatimik festernermi aammattaaq musikfestivalimik aaqqissuussisumit SXSW-mit aaqqissuunneqartumi nipilersussaaq.
SXSW tassaavoq ukiut 2100-ssaanni nipilersornikkut tunisassiorneq pillugu musikfestivali ataatsimeersuarnerlu assorsuaq ataqqisaasoq. Festivalip nipilersortartunik tusaamasaasunik nutaamik pilersoqartillugu siulliulluni taakkuninnga ataatsimeeqateqartarnini tanngassimaarutigisarpaa. SXSW tassaavoq uuma naalisarnera: South by Southwest.
Nive Nielsen Californiami San Diegomut angalaarluni ingerlaqqissaaq. Sermitsiaq.ag-mi allagaq naapertorlugu taassuma ilagai angalanissamut nipilersortartut qulingiluanik inuttaqartut.