Nive ingerlalluartoq
Nive Nielsen & The Dear Childrenikkut nuusiaat ”Nivi Sings” 2009-mi saqqummersoq, maanna Playground Music aqqutigalugu saqqummeqqilerpoq.
Allattoq Mads Pedersen
Nuuteeqqap saqqummerseqqilerneranut pissutaavoq skandinaviami soqutiginnittut pisisinnaalernissaat. Gaffa.dk taama allappoq.
Nive Nielsenip nuusiaa 2009-mi saqqummermat naliliisartunit nersualaarneqaqaaq. Minnerunngitsumillu nunanit allanit maluginiarneqarsimalluni.
Nuuteeraq ”Nive Sings” skandinaviami apriilip qulingani pisiassaalissaaq. Aamma skandinaviap avataani tyskit Glitter Records aqqutigalugu saqqummiunneqassasoq, Gaffa.dk-mi allaaserineqarpoq.