Nivaattamik internet attaveerutsippaat

Qarasaasiakkut attaveqaatit Nuup ilarujussuani ullumikkut ajoquteqarput. Tele Post ulloqeqqata siorna taama nalunaaruteqarpoq.
Allattoq Carla Davidsen
aggustip 20-at 2012 11:14

Tele Postimi atuisut Nuup illoqarfiata qeqqaniit umiarsualiviup tungaanut ullaaq nalunaaqutaq 8.09-miilli internetimut attaveqanngillat.

Nuummi nakorsiartarfimmut oqarasuaatikkut aamma attaveqartoqarsinnaasimanngilaq, Dronning Ingridip Peqqissaavianut oqarasuaatikkut attaveqaatit kabelitigut sukkasuumik ingerlatsisukkoortarmata.

- Illoqarfimmi assaasoqarneratigut attaveqaatit ilaat ajoquserneqarsimavoq. Ajoquserneqartoq Tele Postip sumiissusersereerpaa, sukkanerpaarlu atorlugu iluarsiniarneqarpoq, Tele Postimeersoq Sæunn Nolsøe oqarpoq.

Ajoqulli qaqugorpiaq iluarsineqassanersoq taassuma oqaatigisinnaanngilaa. Internetilli aqqutit allat atorlugit iluarsiniarneqarpoq, Tele Postillu naatsorsuutigaa nalunaaqutaq ataatsip marloqeqqatalu akornanni aaqqiivigineqareersimassasoq.

- Pisoq soorunami ajuusaarutigeqaarput, qarasaasiakkulli attaveqarneq qaqugu iluarsissanersoq oqarsinnaanngikkallarpugut, Sæunn Nolsøe oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq