Niuernermik ingerlatallit canadamiut Kalaallit Nunaannukalerput
Canadamiut niuernermik ingerlatallit novemberip aallartinnerani nunatsinnukassapput, Royal Arctic Line tusagassiutinut taama nalunaaruteqarpoq.
Canadamiut taakku Paggivittamingaaneersuuput namminersorlutillu niuernermik ingerlataqartuullutik, avammut tuniniaanerminni makku avammut soorlu tuniniagarisarlugit: sanaartornermi atortussat, nerisassat, angallatit, iggaviit kiisalu illup iluani atortussat.
Canadamiut niuertut taakku tikeraarnerminni nunatsinni inuiaqatigiit ingerlaasiat paasisaqarfigingaatsiassagaat, Royal Arctic Line-miit erseqqissarneqarpoq.
Taamaalillutik suleqatigilersinnaasaminnik naapitaqarnissaminnut periarfissinneqassapput.
Royal Arctic Line-p angalatitsivianiit aamma unnersiutigineqarpoq, Canadamut USA-mullu assartuineq ukiut arfinilissaat ingerlalluartoq.
USA-mut Canadamullu attaveqarneq pisiassanik amerlanerusunik pissarsisinnaanermik kinguneqartarsimavoq, taamatuttaaq dollarip nalinga patsisaalluni nioqqutissat akikinnerusumik pisiarineqarsinnaasarsimapput.
Canadamiut niuertut novemberip pingajuani Nuummut tikissapput, novemberillu arfineq-pingajuani Sisimiunut ingerlaqqereerunik novemberip ulluisa qulingani Canadamut utissallutik.