Niuernermi amigaartoorut qaffakkiartorpoq
Ukiup qaammataani siullerni pingasuni siornamut sanilliugu, nunanut allanut niuerneq 93 millioni koruninik annikilleriaateqarpoq.
Nunatsinnit saarullinnik avammut tunisilluartoqarsimagaluartoq, taamaattoq ukioq manna raajanik qaleralinnillu ukiup qammataani siullerni pingasuni annikinnerusumik avammut niueruteqartoqarsimanera akisuvoq. Aalisakkanimmi uumasunillu allanit avammut niuerutigineqartut 87 millioni koruninit anikilleriaateqarsimammata.
Avammulli niueruteqarniarneq kisimi appariaateqanngilaq. Nunanilli allanit nioqqutissanik eqqussuinerput aamma appariaateqarpoq. Ukiummi qaammataani siullerni pingasuni 2011-mut sanilliullugu 25 millioni koruninik annikinnerusumik nioqqutissanik nunatsinnut eqqussisoqarsimavoq.
Tamatumani nioqqutissat maskiinallit annertuumik sunniuteqarlutik, tassanimi siornamut sanilliullugu 30 millioni koruninik annikinnerusumik avataanit nunatsinnit eqqusisoqarmat.
Niuernerli tamakkiisumik isigissagaanni nunanit allanit eqqussuinermi nunatsinnit 694 millioni korunit aningaasartuutaapput, avammullu niueruteqarnermi 429 millioni korunit isertinneqarlutik. Tamatumani niuernermi oqimaaqatigiissut isiginiassagaanni 265 millioni koruninik amigartooruteqartoqarluni.
Sammisaq pillugu atuaqqigit
http://www.stat.gl/dialog/main.asp?lang=da&version=201202&link=IE&subthemecode=undefined