Niuerneq allisarneqalerpoq

Tunisassiatsinnik nunanut allanut tunisaqartalernerunissaq anguniarlugu Danmark ikiuunnialerpoq. Namminersornerullutik Oqartussat Danmarkimilu avammut tuniniaanermut siunnersuisoqatigiit tunisassiagut avammut tuniniarnissaannut suleqatigiinnissamik isumaqatigiissuteqaqqammerput.

 Kalaallit Nunaanni tunisassiat avammut tuniniarneranni ikiuussinnaavugut, Danmarkimi nunanut allanut aallartitaqarfiata avammut tunisassanik isumaginnittoq Birger Riis Jørgensen, oqarpoq.

Birger Riis Jørgensenip oqaatiga Danmarkimi nunanut allanut niuernermi ataatsimiititaliaq nunarsuaq tamakkerlugu 85inik allaffeqarfeqartoq kalaallillu suliffiutillit arlallit atugarilereeraat.

Tuniniarneqartartut assigiinngiiaarput, aalisakkat, inuussutissaanngitsullu soorlu annoraassiassanik nioqqutissiat allallu.

Namminersornerullutik Oqartussat avammullu tuniniaasarnermi siunnersuisoqatigiit ikioqatigiilluta nioqqutissianik avammut tuniniaanissamut annertungaatsiartumik ikiuussinnaavugut.

Akeqarporli, avammut tuniniaasut siunnersuisoqatigiivi ikiortigalugit tunisiffissat, suleqatissat, tuniniaaqqittussat, siammarterisussallu pissarsiariniarnerini akunnermut 675 krnik akiliuteqartariaqarpoq. Birger Riis Jørgensenilli erseqqissaatigaa suliffeqarfiit mikisut immikkut isumaqatigiissuteqarneq malillugu nal. akunnerini 25ni 50iniluunniit sullissisussatut ikiortissarsiarineqarsinnaasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat