Niueqateqarnerput iluaallappoq

Kalaallit Nunaanniit nunanik allanik niueqarteqarnerup siorna taamaalinerani oqimaaqatigiissitsinermut naleqqiullugu maanna iluaallassimasoq, Kalaallit Nunaanni naatsorsueqqissaartarfimmit aatsaat naqitanngorlugu saqqummersinneqartumi atuarneqarsinnaavoq.
Allattoq Mads Lynge
decembarip 19-at 2007 11:15

Ukioq manna nunanut allanut tunisat, nunanillu allaniit pisiat siornamut naleqqiullugit ikileriarsimapput.

Kisitsisit takutippaat Nunatsinniit avammut tunineqartut ikileriaraluartut suli avataaniit Nunatsinnut eqqunneqartut ikileriarnerusimasut.

Kalaallit Nunaanniit avammut tunisat 57 millioni koruuninik ikileriaraluartut avataaniit nioqqutissat eqqunneqartut nalingi 185 millioni koruuninik ikileriarsimapput.

Taamaalilluni Kalaallit Nunaanniit nunanik allanik niueqateqarnermi amigartoorutaasut siornamut naleqqiullugit 128 millioni koruuninik ikileriarput. Kalaallit Nunaanniit avammut tunineqartut nalikilleriarnerinut raajanik avammut tunisinikinnerusimaneq peqqutaanersaavoq.

Kisitsisit ataatsimut isigalugit nunanik allanik niueqateqarneq allanngoriarsimavoq, soorlu aatsitassanik erlinnartunik avammut tunisaqarneq annertunerusimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq