Nittartakkatigut sullissivik kinguaattoorpoq

Najugaqarnermut uppernarsaammik juunip qaammataaniit nittartakkatigut sullissivimmut aallersinnaanissamut neqeroorut kinguaattoorpoq.

Nittartakkatigut innuttaasunut kiffartuussiviup Sullissivik.gl-imiittup atuutilernissaanut kinguartitsinermut pissutaavoq, kommunit maannamut nittartakkatigut kiffartuussinissamut suli piareersimanngimmata, suliniummi aqutsisoq Hans Christian Sværd nassuiaavoq. Nittartakkatigut kiffartuussineq atuutilersinnagu suli piareersagassaqartoq unnerpaa.

Nittartakkatigut innuttaasunut kiffartuussineq aqqutigalugu, najugaqarnermut uppernarsaammik nittartakkatigut aallertoqarsinnaalissaaq ineqarnermullu tapinik qinnuteqartoqarsinnaanngussalluni. Ulluunerani paaqqinnittarfinnut qinnuteqaatit nittartakkakkut isumagineqarsinnaanngussapput. Minnerunngitsumik sunngiffimmi piniartartut kommuniliaqqaarnatik piniarnermut allagartamik qinnuteqarlutillu pisinnaanngussapput.

Kommunit isertitaat annikillinnginniassammata, kommunini kiffartuussinernut akit atuuttut nittartakkatigut kiffartuussivimmi atuutiinnassasut, Hans Christian Sværdip oqaatigaa. Taamaalilluni najugaqarnermut uppernarssaammik nittartakkatigut aallerneq akeqartinneqassaaq, naak nammineq qarasaasiamit anillatsikkaluarlugu.

Sullissivimmik pilersitsinissamik suliniut oktoberip ingerlanerani piviusunngussasoq naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat