Nittartakkakkut kaattaassineq siullerpaaq
KNR-ip kalaallillu Røde korsiata aaqqissugaanik Asiami ajunaarnersuarmi katersuiniussinermi
unnugu toqqaannartumik aallakaatitsinnissaanni, nittartakkakkut akitsoterussisoqassaaq.
Nittartakakkut akitsorterussineq nunatsinni nutaajoqaaq. KNR-ip nittartagaleriviani akitsorterussinissaq piareersarneqarpoq. Nittartagatigut akitsorterussineq ajornanngeqisoq, KNR-mi nittartagalerisoq Martin Chemnitz oqarpoq.
- Inuit asseq toorunikku, akitsorterussassaq nuissaaq, immersugassannguarlu immersoreerunikku utertissavaat, unnugulu nal. 22.00 akitsorterussineq taamaatissaaq, akisunerpaamillu pisisimasoq ajugaassaaq.
Akitsorterussinermik nakkutiginnittussaq Martin Chemnitz oqarpoq.
Nittartakkakkut akitsorterussineq nal. 13.00 aallartissaaq, uanilu nassaarineqarsinnaavoq: www.knr.gl/asia
Akitsorterussassat soorlu TV-kut takutinneqareersut pilerinarluinnarput kusanartuliaagamik, innuttaasullumi katersuiniarumatuugamik peqataasoqarusulluinnarpoq.
Nunatsinni sumi tamanit eqqumiitsuliortut kusanartuliortartullu peqqissaarluinnarlutik akitsorterussassanik nassiussuisut, aallakaatitsinissami ataqatigiissaarisoq Nikko Olsen taama oqarpoq.
KNR-TV nalunaaqutaq arfineq-pingasunut toqqaannartumik aallakaatitsilissaaq, aallakaatitsiunnaartoqassaarlu nalunaaqutaq aqqarngup-qeqqa, oqaatigineqareersutullu akitsorterussineq nalunaaqutaq qulinut taamaatissaaq.
