Nittartagaq nutaaq paasissutissiissaaq
Tassami tamanna internetikkut nittartakkami nutaami, suliffeqarfimmit pilerisaarinermik ingerlatsivimmit aallarnerneqartumit Tiut Tiu-miut siunertarineqarpoq.
Internetikkut nittartagaq taanna tassaavoq www.tiu.gl taassuminngalu suliniuteqartut ilaata Jens-Jakob Lennert-Sandgreenip ima nassuiarpaa:
- Taanna tassaavoq innuttaasut nutaarsiassanik kingullernik, neqeroorutinik imaluunniit suliffeqarfiit kattuffiilluunniit pasissutissiinerinik itisiliinernik paasiniaaffigisinnaasaat.
Nittartagaq pingaarnertut Nunatsinni nittartakkanut innersuussisarfiussaaq, Pierre Minik Lynge, Jens-Jakob Lennert-Sandgreen peqatigalugu nittartakkamik aallarniisoq oqarpoq.
Tamatumunnga peqatigitillugu nittartagaq tiu.gl suliffissanik ujaasiffigineqarsinnaassaaq, tassami Nunatsinni suliffissat inuttassarsiukkat tamakkiisumik takussutissiornissaat siunertarineqarmat.
