Nissimaat tillinniartartut tigusarineqartut

Ilisimaneqareersutut juullip qaammataaniippugut, tamatumalu peqquserlunniartartut nutaamik eqqarsarnissamut periarfissittarpai.
Allattoq Elisa Isaksen
decembarip 05-at 2009 16:12

Danmarkimi Århusimi nissimaat tillinniartartut ulluni kingullerni ulapissimaqaat, ikinnerpaamillu quleriarlutik tillinniarsimasut, Ritzauimi allaaserinnittoqarpoq.

Matumani pineqarput, inuusuttut sisamat Jyllandip Kangiatungaani, nissimaatut nasalerlutik angerlarsimaffinnut iseriarlutik tillinniartarsimasut.

Kisianni nissimaat tillinniartartut taakku ullumi tigusarineqarput. 19-inik ukiullit sisamat, ukiup taamaalinerani nasarineqartartunik nasallit ullumi tigusarineqaramik parnaarunneqarput, decembarillu 18-ata tungaanut parnaarusimaneqarallassallutik, tassa juullertinnagu angerlarsinnaassapput.

Tigusarineqarnerannut atatillugu nissimaat taakkua angerlarsimaffii politiinit misissuiffigineqarmata, tillitat tillinniarnernit arlalinneersut nissimaallu nasaat nassaarineqarput.