Nissiaqqat palasit ilaata akerlerai
Jyllandip avannarpasissuani illoqarfeeqqami Løkkenimi palasi, Jon Knudsen, isumaqarpoq, nissiaqqat ajortorsuup pinngortissimagai, aamma kristumiut juulliannut naleqqutinngitsut. Illoqarfeeqqami Løkkenimi oqaluffimmi nissiaraqarnissaa palasip taassuma inerteqqutigilluinnarpaa. Dr dk-mi ullumi taama allaaserinnittoqarpoq.
Palasi aamma oqarsimavoq, nissiaqqatut nasaqarluni naalagiariartortoqassagaluarpat, nasaaqquneqarumaartut.
Palasip nammineq illuani nissiaqqanik nivinnggaassuineq inerteqqutaalluinnarpoq, meeraalugooq meeqerivimmi imaluunniit paarineqarfimminni allani issiaqqanik aamma takoqqusaanngillat.
- Kristumiut kuisimanngitsullu juullisiortarnerannut nissiaqqat taputartuunneqarput, akulerussuunneqarlutik. Uanga isumaga naapertorlugu kristumiut juullisiortarnerat oqaluffiup malunnartinneq ajorpaa, palasi Jon Knudsen oqarpoq.
Nissiarannguit nuannequtaasartigisut aamma akerlerineqartartut paasivarput.
