Nipitittakkat kingulliit juullimullu nipitittakkat saqqummersinneqarput

Allattoq Carla Davidsen
novembarip 02-at 2005 06:53

Nipitittakkanik kingullernik juullillu nipitittagaanik Post Greenland ukioq manna saqqummersitsivoq, nipitittakkat ippassarli pisiarineqarsinnaalerput.

Nipitittakkanik, nunatsinni naasunik nerineqarsinnaasunik pingasunik assigiinngitsunik assiliartalinnik, titartaasuuvoq Ina Rosing.

(Skotsk lostilk, rosenrod aamma fjeldsyre)

Naasunik assiliartalerlugit nipitittagaliat nerisassanut qanoq atorneqarsinnaanerannik nassuiaatitallit mappinngorlugit suliat aamma pisiarineqarsinnaapput.

Taakku saniatigut Issittumi ilisimasassarsiortoq

Robert E. Peary, Qalasersuarmut 1909-mi annguteqqaartoq, nipitittakkat aappaannut aamma assiliartaliunneqarsimavoq. Nipitittakkami Pearyp ukioq inunngorfia 1856 kukkullugu 1855-imik allanneqarsimavoq, tamannalu Post Greenlandimit ajuusaarutigineqarpoq.

Juullimut nipitittakkamik ukioq manna assiliartalersuisuuvoq eqqumiitsuliortoq Miki Jakobsen. Meeqqat nuannaarlutik orpiup qaamaneranut isigisut kiinaat taassuma titartarsimavai.