Inuussutissarsiutit

Nipisat suaasa akii tapillu pillugit isumaqatigiissuteqarput

Kalaallit Nunaanni Aalisartut Piniartullu Kattuffiat, KNAPK aamma Royal Greenland A/S nipisat suaasa akii aamma suannik tunisinermi tapit pillugit isumaqatigiissuteqarput. Isumaqatiggiisut aalisarfik 2017-imut atuuppoq
Stenbiderrogn Assi © : Torben Larsen/KNR
Allattoq Thomas Munk Veirum
marsip 24-at 2017 15:44

Suaat minnerpaamik kiilumut akigissavaat 24,50 koruunit.

Ukioq manna aalisarnermi tunisat kiilumut 3,00 koruuninik tapeqartinneqassapput.

Suaannik tunisinermi tapi siusinnerpaamik juulip aallaqqaataani- kingusinnerpaamillu decemberip 15-iani 2017 tunniunneqassaaq

Tapip tunniuunneqarnissaa sumiiffikkaartumik aalajangerneqassaaq, tunniunneqassallunilu sumiiffimmi tunisisunut ataatsikkut.

Tapeq pillugu sumiiffikkaartut aalajangernerat pillugu Royal Greenlandi KNAPK -miit ilisimatinneqassaaq kingusinnerpaamik 15. Juli 2017.

Tapisiassat 50 koruniniit annikinneruppata taakku tunniunneqassanngillat.

Nipisat suaasa akii tapillu pilllugu isumaqatigiissut KNAPK-ip siulittaasuata Henrik Sangreenip aamma Royal Greenlandimi tunisassiornermi pisortap Lars Nielsenip marsip 23-iani 2017 atsiorpaat.

 

Aamma atuaruk

Inuussutissarsiutit

Issittumi umiarsuit sorsuutit marluk ukiuni 15-ini qamutilittarsinnaanngitsut

Politiit ullormut nalunaarusiaat: Tillinniartoqarlunilu tillinniariaraluartoqarpoq