Nipisanniarneq poorskereerpat aatsaat aallartissaaq

Naalakkersuisoqarfiup aalisarnermut immikkoortortaata ilisimatitsissutigaa nipisanniarnissamut akuersissutit maannamut 200-t agguaassorneqalereerimasut, ullulli aalisalerfiusussat suli aalajangiunneqanngillat.
Stenbiderrogn Assi © : Torben Larsen/KNR
Allattoq Charlotte Holten-Møller
marsip 24-at 2016 19:23

Aalisarnermut, Piniarnermut Nunalerinermullu Naalakkersuisoqarfiup naatsorsuutigaa kujataani saapaatip akunnerisa 14-issaani aalisartoqarsimalereerpat, avannaata ingerlatsinermut aqutsisoqarfiini aalisarneq aallartikkumaartoq.

Qeqertarsuullu Tunuani nipisanniarneq apriilip qiteqqusimalernerani aallartissasoq Aalisarnermut Naalakkersuisoqarfiup naatsorsuutigaa.

Kitaata sineriaani aqutsiveqarfiit arfineq marluussapput. Aqutsiveqarfiit ataasiakkaarlugit pisassinneqassapput, taakkunani ulluni amerlanerpaani 47-ni nipisanniartoqarsinnaassalluni.

- Sumiiffinni aalisartut peqatigiiffiisa tunitsiviisalu isumaqatigiissutigissavaat aqutsiveqarfimmi aalisalernissaq qaqugu aallartissanersoq, Aalisarnermut Naalakkersuisoqarfik taama allappoq.

Ullut aalisalerfiusussat poorskereerpat aalisarnermut naalakkersuisoqarfiup nalunaarutigiumaarpai.
 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq