Nipisanniarneq pingasunngorpat aallartissasoq
Nipisanniarneq ukioq manna apriilip aallaqqaataani tassa pingasunngornermiit aallartinneqarsinnaasoq, Naalakkersuisut aalajangerpaat.
Sumiiffinni ataasiakkaani NAFO-p immikkoortortaani pisassiissutigineqartut nunguppata aalisarneq unitsinneqassaaq. Toqqorsivimmit assi
marsip 30-at 2020 08:13
Nutserisoq Bikki P. Kleist
Taamaalilluni aqutsiveqarfiit Nunap Isuanit Qeqertarsuarmut sumiiffinni pisassiissutigineqartut agguarneri Naalakkersuisunit akuerineqarput.
Sumiiffiit NAFO-p immikkoortortai arfineq marluupput, tamarmik immikkut pisassiiffigineqartut. Nunatta Kitaanut ukioq manna pisassiissutigineqartut katillugit 1150 tonsit missaanniipput, aqutsiveqarfinni arfineq marlunni aalisarneqarsinnaasut.
Sumiiffinni ataasiakkaani NAFO-p immikkoortortaani pisassiissutigineqartut nunguppata aalisarneq unitsinneqassaaq.
Aalisarneq unitsinneqarpat pisassiiffiusumilu pisassiissutigineqartut tamarmik aalisarneqarsimanngippata Aalisarnermut, Piniarnermut Nunalerinermullu Naalakkersuisoqarfiup pisarinngitsuukkat aqutsiveqarfimmut allamut nuussinnaavai.
