Nipilersortartut tusaamasaanngitsut periarfissinneqarlit
Nipilersornerup oqaluttuarssartaata ilaneqarnissaanut ilimanaateqarnera unaavoq, tusarnaartitsisarneq aaqqissuisunit siuarsarusunneqarmat. Nipilersortartut ullumikkut ilisimaneqanngitsut periarfissinneqassapput tusarneqarnissaminnut - taakku Katuami timesortarfinnilu periarfissinneqarneq ajorput.
Aaqqissuisut ilaasa Facebook aqqutigalugu ima allapput:
- Nipilersortartut ullumikkut ilisimaneqarnerit taamaatippata taava susoqassava? Taakkuuppummi kisimik tusarnaartitsinissaminnut periarfissinneqartartut. Nipilersortartuuneq tammariartulissaaq ilisimaneqartut kisimik tusarnaartitsiuassappata!
Aamma ima allapput:
- Qanoq iliuuseqartoqanngippat nunatsinni nipilersortartoqarneq tammassaaq, aaqqissuisut ilaat marluk, Kunuk Flügge aamma Miki Hegelund allapput.
Magnetic Northpole, Violet Gib, Torluut, My Itchy Little Finger. Taakkuupput ilaatigut nipilersortussat. Tusarnaartitsineq aallartissaaq unnugu nalunaaqutaq 18:30 unnuaru pingasup tungaanut sivisutigissalluni. Tusarnaartitsineq pissaaq N.A.I.P.-p illuutaata eqqaani.
Tusarnaariarluarisigooq, imaassinnavoq nipilersortartut ilaat ukiut arlaqanngitsut qaangiuppata Inussivimmi imaluunniit Katuami tusarnaariarsinnaalissagitit.
