VIDEO Nipilersortartut Sisimiuni naapeqatigiinnerat nuannarineqarluartoq

Nipilersortartut naapeqatigiinnerat Arctic Sounds, ukioq manna pingajussaanik Sisimiuni ingerlanneqartoq, peqataasut nunatsinneersut iluarisimaarpaat nuannisarfigalugulu.

Nipilersortartut 80-it tungaannut amerlassuseqartut nunanit avannarlerneersut nunatsinneersullu peqatigiillutik ulluni arfineq-marlunni Arctic Soundsimi peqataaqqammerput, Nanookikkullu siullermeerlutik peqataapput.

- Alutornartorujussuuvoq nunanit allaninngaanniit nipilersoriakaasut, soorlu periarfissanik ammaassisarpoq, taanna pingaaruteqartorujussuuvoq, Frederik Elsner KNR-imut oqarpoq.

- Pikkunaqaaq, taavalu aamma malunnarpoq inuppassuit festivali tapersersoraat, taanna nuannaarutigeqaara, Christian Elsner KNR-imut oqarpoq.

AAMMA ATUARUK VIDEO Arctic Sounds Festival - festivali alliartuinnartoq

Nina Kreutzmann Jørgensenip nipilersortartut akornanniissalluni nuannaraa.

- Nuannersorujussuuvoq nipilersortartut assigiinngitsorpassuit amerlasuut akornanniilluni, malunnarpoq inuit amerlanerusut Sisimiuliartinneqarsimasut, nuanneqaarlu nipilersoriaatsit assigiinngitsorpassuit tusarnaarneqarsinnaammata, Nina oqarpoq.

Martin Zinck aappassaa Arctic Soundsimi peqataavoq, iluarisimaarnerarpaalu nipilersortartut nunanit allaneersut ilisarisimalersinnaagamigit attaveqatigisalerlugillu.

- Assersuutigalugu; naapiinnarlugit nipilersornerup kingorna attaveqatigisarlugit alutornaqaaq.

Tusarnaarianut ilaavoq japanimiu Nanookikkunnik nuannarinnilluinnartoq Yoko Nozaki, taassumalu Nanookikkut Japanimukartinniarlugit sulissutiginerarpaa.

- Japanimut nipilersoriarnissaat isumaqarpunga amerlasoorpassuit utaqqigaat, Yoko KNR-imut oqarpoq.

AAMMA ATUARUK VIDEO Japanimiu Nanookikkunnik nuannarinningaartoq Nuummut tusarnaariartoq

Nipilersoqatigiit inuillu kisimiillutik nipilersortartut katillugit 30-t sinneqalaartut tusarnaartitsipput, taakkununngalu ilaapput Nunavumeersut aamma Nunavimmeersut.

Nipilersortartullumi amerlagamik Taseralik, Hotel Sisimiut aamma timersortarfik nipilersoqattaarfigineqarput.

Tusarnaartitsiinnartoqanngilaq, peqataasummi akunnerminni erinnioqatigiinnissamut taallioqatigiinnissamulluunniit periarfissinneqarsimapput.

- Sorpassuarnik pissarsivugut, ullut amerlanerusut taamatut atorusussinnaagaluarpakka, neriuppunga workshopinut arlalinnut ilaaqqissinnaallunga, Nina Kreutzmann Jørgensen oqarpoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat