Kulturi

Nipilersoqatigiit Sume pillugit piviusulersaarut angallatileraat

Nipilersortartut SUME-kkut pillugit filmi, Nuummi Sisimiunilu takutsinneqartalereersoq illoqarfinni allani aamma takutinneqassaaq.

Sume vender bl.a. tilbage til Qeqertarsuaq, hvor de spillede for 40 år siden.

Allattoq Apollo Jeremiassen

septembarip 22-at 2014 15:22

Illoqarfinni allani arfineq marlunni, avannaani Uummannamiit kujataani Narsaq ilanngullugu, filmi 'SUME - Mumisitsinerup Nipaa', septembarip 25-anniit takutinneqartalissaaq.

Illoqarfinni filmertarfeqanngitsuni filmip isiginnaarneqarnissaa, filmimik ilitsersuisup aappaata, Inuk Silis Høeghip kissaatigiuartarsimallugu oqaatigaa.

Aamma atuaruk Isiginnaagassiaq nuannarineqartoq

Tamannali ajornakusoorsimaqisoq aamma oqaatigalugu.

- Filmilli illoqarfinni arlaqartuni takutinneqartarnissaa maanna iluatsippoq. Ulloq septambarip 25-at aallarnerfiggalugu filmi Aasianni, Kangaatsiami, Qeqertarsuarmi, Qasigiannguani, Uummannami, Qaqortumi aamma Narsami taktinneqartassaaqm, Inuk Silis Høegh oqarpoq.

Illoqarfinni filemrtarfeqanngitsuni filmip takutinneqartarnissaa iluatsippoq, aningaasaliisut arlallit iluaqutsiullugit ilaatigut ukuusut Royal Greenland, Royal Arctic Line, Qaasuitsup Kommunia, Namminersorlutik Oqartussat aamma Film Festivalen Greenland Eyes.

Filmiliortut neriuutigaat illoqarfiit ukioq manna angumerineqarsinnaanngitsut kingusinnerusukkut tikinneqarumaartut.