Nipilersoqatigiit Sumé pillugit piviusulersaarut nersornaaserneqartoq

Nersornaasiuttagaq piviusulersaarusioqataasumut Emile Hertling Péronardimut isiginnaartitsisarfimmi Teatro Nuovo Giovanni da Udinemi 1200-inik isiginnaartulimmi tunniunneqarpoq.

Filminik festivalertitsisut piviusulersaarutip toqqarneqarnera ima tunngavilersorpaat:

- Teknikkikkut pitsaassusaa, pikkunartumik oqaluttuarineqarnera, kalaallit oqaasii atorlugit filmiliornerullu silarsuaani tamanit paasineqarsinnaasumik saqqummiussineq pillugu, Kalaallit Nunaatalu oqaluttuarisaanerani nutaaliaasumi piffiit nutaat atuutilersut pillugit inuppalaartumik eqqumiitsuliornikkullu oqaluttuarineqarnera pillugu.

- Filmi kinaassuseq, nassaassarsiullaqqinneq namminiilivinnissamillu piumasaqarneq pillugit ilisimasanik tunniussivoq, aamma isummanik pigiliutiinnakkanik oqaatsitigullu kulturikkullu naqisimanninnermik takutitsivoq, festivalimi naliliisartoqatigiit taama tunngavilersuipput.