Nipilersoqatigiit Simik Imernalaaq Festivalimi aliannaartitsilersut
Nipilersortartut nuannarineqarluartut Nuummi qaammatip uuma naanerani ulluni marlunni tusarnaartitsissapput, nipilersortartunut erinarsortartunullu Kodamit nersornaasiinerit Nunatsinni nipilersortartut kattuffiata aaqqissuussaanut ilaatinneqarput.
Allattoq Aaqqissuisoqarfik / Redaktionen
januaarip 06-at 2015 06:14
Imernalaaq Festivalu ulluni marlunni ingerlanneqartussaq januaarip 30-anni aallartissaaq. Tusarnaartitsinerillu aqaguani nanginneqassapput, nersornaasiisoqassallunilu.
Simik, Katuma Kimmernarlu tallimanngornermi tusarnaarneqarsinnaapput, Nuummiullu Naneruakkut Kimiakkullu arfininngornermi januaarip 31-ani tusarnaariarsinnaavaat.
AAMMA ATUARUK Ukioq manna Koda Greenland Awardsimut innersuunneqartut saqqummiunneqarput
Ukiumi pineqartumi saqqummersitani pitsaanerpaaq, 2013-imullu 2014-imullu isumalluarnartutut nersorneqartussatut innersuussaq, ataqqisarialimmillu ingerlatsisimasutut innersuussat arfininngornermi aamma nersorneqassallutik.
Imernalaaq Festivali Nuummi nipilersortartut aaqqissuisoralugit siullerpaamik 2007-imi aaqqissuunneqarpoq.
