Ilisimatusartut: Nillernerulernera nunarsuarmi silap kiatsikkiartorneranut attuumassuteqanngilaq

Kalaallit Nunaata ilarujussuani 2001-imit 2015-ip tungaanut kiattarnera pillugu kisitsisit, immikkut ilisimasallit qaammataasat atorlugit katersorsimavaat.
Ualigaa,seqinip tarrikkiartornera, Perserajik saqqarsimavaa. Nanortalik, januaarip 23-at 2018 Assi © : Katrine l Kleist
Allattoq Mads Lynge
januaarip 26-at 2018 11:30

Ukiumiillu ukiumut ataatsimut isigalugu kiappallaarunnaariartortoq, kisitsisit qimerlualaaraanni ilaasa tupaallaatigigunagaannik takuneqarsinnaavoq. Kisitsisit qimerlualaaraanni ukiumit ukiumut assigiinngitsorujussuusut, ataatsimulli isigigalugu sila kiatsikkiartortoq takuneqarsinnaavoq.

Videnskab.dk taama allaaserisaqarpoq.

Nunarsuarmi silap kiatsikkiartorneranut upperinninngitsunut tamanna nuannaarutissaagunaraluarpoq, nuannaarnissamulli pissutissaqanngitsoq, ilisimatuut Videnskab.dk-mut oqaatigaat.

Silammi ukiumit ukiumut allanngorarnerujussua aamma eqqarsaatigineqartariaqartoq oqaatigaat.

Nunattami kitaani ukiuni 2001-imit 2015-ip tungaanut aasaanerani kiannerusalersimagaluarpoq, akerlianilli ukiaanerani ataatsimut isigalugu qiianarnerulaalersimalluni.

Atuagassialli Scientific Reportsip allaaserisaa naapertorlugu aamma takuneqarsinnaavoq nunatsinni ukiut kingulliit 30-t ingerlaneranni ataatsimut isigalugu kiannerulersimasoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk