Nillataartitsiviit torersumik iginneqartartut
Sisimiuni eqqaavissuarmi saliisoqaqqammerpoq. Saliinermi nillataartitsiviit igiinnakkat immikkut sammineqarput.
Nillataartitsiviit sumiiffigisami passunneqarnissaannut periaaseq nutaaq misiligarneqarpoq. Periuseq nutaaq avatangiisinut ajoqusiinngilaq, nillatataartitsiviillu Danmarkimut nassiunneqarneq ajormata periaaseq aamma akikinneruvoq. KANUKOKAp nittartagaani tamanna atuarneqarsinnaavoq.
Periaatsimi pineqartumi, nillataartitsiviit freoniijartarneqarput. Freon gassiuvoq ozonimut ajoqutaasinnaasoq.
Silaannaliuut kompressori kiisalu nillataartitsiviup kondensatoria Danmarkimut umiarsuakkut nassiunneqartarput, tassanilu suliareqqinneqartarlutik. Nillataartitsviup sinnera plastikiullunilu skum-iusoq ikuallaaviliaanneqartarpoq.
Nillatatartitsiviup annertunersaa nunatsinni passunneqartarnerata kingunerisaannik aningaasartuutit affaannanngortinneqarsinnaapput.
Nillataartitsiviup tamaa Danmarkimut nassiunneqaraangat aningaasartuutit 216 koruuniupput, sumiiffigisamilu passunneqaraangat aningaasartuutit 101 koruuninut appartarput.
