Nikotiini iikkani nippusimasoq kræfteqalissutaasinnaavoq

Malunnaat taanna amerikamiut taasarpaat "third hand smoking", oqariaatsimi tassani pineqartoq tassaavoq stoffi uerisoornartoq, soorlu nikotini, taanna arrorseriitsuuvoq cigaretsillu pujua ersigunnaareeraluartoq, imaluunniit ini pujortarfigisaq silaannarissarneqareeraluartoq, sunut tamanut siaruaattarpoq.

Ammimut, nutsanut, atisanut, qulliit qaamasortaannut iikkanullu nipputtarpoq, annertugaangallu nippuffii sungaarujuttunngortarput.

Iikkanut qilaamullu nipputtoq kræfteqalissutaasinnaasoq, ilisimatuut oqaatigaat.

Meeqqat inini pujortarfiusimasuniissinnaasartut ilisimatuut ernumaginerpaavaat.

Misissuinerup inernera atuagassiami ilisimatuussutsimut tunngasumi iluarineqaqisumi, Proceedings of the National Academy of Sciences-imi saqqummiunneqareerpoq.