Nikolas Sakozy avittussanngorpoq
Frankrigip præsidentiata nuliani ingerlaqatigigaa aasarli takuneqarput, tupaallaatigineqarnerpaavorli USA-p præsidentia nulianilu Frankrigimut tikeraarmata nereqatigiinnermut præsident Sakozyp nulia ilaanngimmat, nuffasersimanini utoqqatissutigigaluaraa upperineqanngilaq, nereqatigiinnerummi siuninnguatigut kinguninnguatigullu pisiniarfilerisoq naapinneqartarsimammat. Præsident Sakozyp nulia nalunaareernikuugaluarpoq siornatigut præsidentiusartut nuliaattut pissuseqarniarani, politikkikkut pissuserissaartunut ilaannginnami. Nunanimi tamani aamma tupaallaatigineqaqaaq Libyami præsidenti Kadaffi ilagalugu inoqajuitsumi tupermeeqatigalugu saqqummeriasaarmat, niviarsiallu tallimat nakorsarlu Bulgariameersut iperagaasillugit, nammineq oqarneratuut; arnatsialattut malussajanini atorlugu, iperagaatitsiniarlunilu akiliisariaqarsimanerluni aperineqarami akivoq taamaallaat katsorsaatinut tunngasunik pilliuteqarsimalluni. Sakozykkut aatsaat qimalinngillat, 2005-imili qimaqqareerlutik uteramik uia taamani oqarpoq ”tassa uteqqippugut qimaqqinnaviaratalu, qimaqqasinnaanngilagummi”. Kisiannili tassa aamma najorsinnaasimanngillat.
