Nikolaj Jeremiassenip akissuteqarfigineqarnini naammaginartinngilaa
Aalisarnermut naalakkersuisup Karl Lyberthip parteeqatimi Nikolaj Jeremiassenip Aasianni tunitsiveqarniarnikkut pissutsit pillugit § 37 naapertorlugu apeqqutaataanut sapaatit akunnerata siuliani akissuteqarpoq, apeqquteqartulli akissutaa naammaginartinngilaa. Taamaammat aammaarluni apeqquteqaqqippoq.
Allattoq Peter Troelsen, Simon Uldum
apriilip 30-at 2013 11:05
Aasianni aalisartut piniartullu anginerusunik akunnattumillu angissusilinnik angallateqartut aalisakkanik tunisinissaminnut periarfissaqanngivipput. Taakku tunitsivissaqarnissaat qulakkeerniarlugu Naalakkersuisut sunik suliniuteqarniarpat?, Jeremiassen aperivoq.
-Apeqqutinnut akissuteqaat apriilip 16-iani 2013-imi ullulerneqarsimasoq naammaginnginnakku, matumuuna apeqquteqaateqaqqippunga, ukiumoortumik isertitarisat nipisaat suaannik tunisiniinnarmit tunngaveqartinneqarsinnaanngimmata, taamaammat aamma aalisakkanik allanik tunisinissamut periarfissaqarnissaq pisariaqarpoq, Nikolaj Jeremiassen nassuiaavoq.
