Nikolaj Heinrich borgmesteriuinnarallassaaq
Nuup Kommuniani borgmesteritut qinigaarlaaq Nikolaj Heinrich 2009-mi januaarip aallaqqaataata tungaanut borgmesteriussaaq, aappaagu 2008-mi apriilimi kommunerujussuanngornissamut qinersisoqaraluarpalluunniit.
Tamatuttaaq sinerissami kommunini borgmesterit allat aamma taamatut atuutissapput.
Apriilip qaammataani kommuninut qinersisoqarpat, kommunerujussuarni kikkut aqutsisuussanersut toqqarneqassapput.
Apriilip qaammataani 2008-mi komuuninut qinigaasut decembarip naanerata tungaanut ataatsimiititaliatut ingerlassapput, kommunalbestyrelsitoqqallu taakku sioqqullugit ilaasortaasut ukiup 2008-ip naanissaata tungaanut kommunalbestyrelseni ilaasortaassapput. Ilaasortatoqqat 2008-mi missingersuusiarisimasatik suliaralugit naammassissavaat.
Kommunalbestyrelseni maannakkut ilaasortaasut 2008-mut missersuusiatik isumagissavaat, siunissamili aningaasatigut aalajangigassanik aalajangiisussaanatik.
Kommunerujussuanngortussani aalajangigassat apriilimi qinigaasut isumagissavaat.