Nikolaj Heinrich borgmesterissatut piukkuneqarpoq

Nuuk kommuneani kommunalbestyrelsemi ilaasortat borgmesterimik qinersinissaat sioqqullugu, borgmesterinngornissamut qinigissanngortittut pingasuupput.

Siumut sinnerlugu Kommunalbestyrelsemi ilaasortaq Nikolaj Heinrich Siumukkormiunit borgmesterissatut piukkunneqarpoq.

Maanna borgmesterimut tullersortaasup Malînãnguak' Marcussen-Mølgårdip, Inuit Ataqatigiinneersup, borgmeserinngortinneqarnissaa aalajangiusimavaa.

Demokraatit Per Berthelsen borgmesterissatut qinerniarpaat.

Piffissaq kingullerpaaq atorlugu IA Demokraatillu ataatsimoorlutik borgmesteriminik qinigassaminnik toqqaanissaminnik ataatsimiipput. Siumut sinnerlugu kommunalbestyrelsemi ilaasortaq Kim Godtfredsen radioviisimut oqarpoq, Nikolaj Heinrich toqqarniarlugu, Kim Kielsenillu oqarnera naapertorlugu Nuuk Kommuneani borgmesterissamik qinersineq minutsinik tallimanik sivisunerussanngitsoq.