Niisarnarpassuit Islandimi ingerlaqqinnaveeqqasut

Islandimi niisarnat 50-t sissamiitillutik toqusimasut, islandimi tusagassiorfik RÚV allaaserisaqarpoq.
Imaani uumasunik uumassusilerisup oqarnera naapertorlugu niisarnat pulasoorlutik sissamukarserannut assigiinngitsorpassuarnik pissuteqarsinnaavoq. Assi © : Scanpix
Allattoq Bikki P. Kleist
juulip 22-at 2019 10:50

Takornariat amerikamiut nuannerpallaanngitsumik sisamanngormat siumugaqarput, Islandip kitaatungaani niisarnarpassuit sissami ingerlariaqqinnaveeqqasut siumorpaat.

Niisarnarpassuit tammartajaarlutik sissamukarsimasinnaannerat arlalinnik nassuiaatissaqarsinnaasoq, immap pissusaanik biologi, Edda Elísabet Magnúsdóttir RÚV-mut oqarpoq.

Immap sakkortuumik ulittarnera tinittarneralu ilaatigut pissutaasinnaavoq, niisarnammi sissamit avalassinnaannerat ajornarnerulersinnaammat.

Islandimi pinngortitap oqaluttuarisaanera pillugu institutip pisortaanera,

Ró­bert Arn­ar Stef­áns­son oqarpoq, Islandip kitaatungaani niisarnat ukiut tamaasa ingerlariaqqinneq ajulertarnerat naliginnaalersimasoq.

Taamaattoq niisarnat 50-t sissami ingerlariaqqinnaveeqqasut toqusimasut naliginnaanngilluinnartut, RÚV allaaserisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq