Nigerimi sakkutuut imminnut naalakkersuisunngortipput

Nigerimi ukiup affaani arlaatigut pisoqariaannaasimavoq præsidentip qinigaaffini qaangiutereeraluartoq atuuffimmini ingerlaqqikkumalluni inatsisit tunngaviusut aasaq allanngortikkaalu. Taamaattumillu pissaanermik tigusiniartut ilaatigut pisinnaatitaaffeqarput, demokratiillu pilerseqqinneqarnissaanut siunnersuisoqatigiinnik taaneqartunik pilersitsillutik. Pissaanermik tigusineq ippassaq pivoq sakkutuut Nigerip illoqarfiisa pingaarnersaanni præsidentip illussaarsua saassummassuk præsidentilu Tandja taassumalu naalakkersuisui tigusaralugit. Eqqaasserpaluttoqarpoq qaartoqarpallattarlunilu erniinnarli nipaarulluni. Sakkutuuni pissaanermik tigusisuni oqaaseqartartoq tamatuma kingorna naalagaaffiup tv-atigut takkuppoq nalunaarutigalugulu nunami inatsisit atorunnaarsinneqarallartut. Unnuakkut aninissaq inerteqqutaalerpoq nunallu killeqarfii matuneqarlutik.

Innuttaasut pissaanermik tigusinermit imatorsuaq sunnerneqarsimagunanngillat, aammalu niuertarfiit naalagiartarfiillu nalinginnaasumik ammallutik.