Nunanit allanit

Nigeriap præsidentia: Sakkutuujunngitsut 51-it akerliussutsimik takutitsinerni toqutaasimapput

Nigerias præsident har indtil nu undladt at nævne, at demonstranter har mistet livet under store protester.
Inuit qassit akerliussutsimik takutitsinerni toqutaasimanersut pillugu præsident Muhammadu Buhari maannamut oqaaseqarsimanngilaq. Assi © : Afolabi Sotunde/Reuters/Ritzau Scanpix
Allattoq Ritzau
oktobarip 24-at 2020 14:44
Nutserisoq Mads Lynge

Nigeriami politiit akerliussutsiminnillu takutitsisut akornanni ippassaq tallimanngornermi aporaattoqarmat sakkutuujunngitsut 51-it toqutaapput. Nigeriap præsidentia Muhammadu Buhari taama nalunaaruteqarpoq.

Politiit peqqarniitsuliortarnerat inuit akerliuffigaat, taassunga atatillugu toqutaasoqarsimasoq præsidentip siullerpaamik nassuerutigaa.

Politiilli toqutaasorpassuarnut akisussaasuunersut præsidentip oqaatigiumanngilaa, politiilli aqqanillit, sakkutuullu arfineq-marluk aporaannerni pikitsitsisunit toqutaasimasut nammineq oqaatigaa. Toqutaasullu katillutik 69-iullutik.

Akerliussutsimik takutitsisut ikinnerpaamik 56-it sapaatit-akunnerini kingullerni marlunni toqutaasimasut Amnesty Internationalip oqaatigaa.

Politiit immikkut sungiusakkat Special Anti-Robbery Squad akerliuffiginiarlugit eqqissiviilliornerit septembarip ulluisa arfineq-pingajuanni aallartipput, tamaanikkunniillu ingasatsikkiartuinnavissimallutik.

Politiit immikkoortut taakku præsidentimit oktobarip ulluisa aqqarnanni atuukkunnaarsinneqarput.

Politiit peqqarniitsuliortarnerat akerliuffiginiarlugu akerliussutsimik takutitsinerpassuit nunap aqunneqarneranut kingorna sangutinneqarput, inuillu tuusintilikkaat akerliussutsiminnik sapaatit-akunnerini kingullerni takutitsisimallutik. Akerliussutsimik takutitsinerit arlaleriarlutik eqqissiviilliorfiupput.

/ritzau/dpa

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq