Nigeriamiut ajortartut nunaminni arsaattarunnaarallaqqusaapput
Nunarsuaq tamakkerlugu arsaalluni pissatanngorniunnermi Sydafrikami ingerlanneqartumi, Nigeriamiut arsaattartui ingerlaqqinngitsoortut nunaminni pillagaapput.
Allattoq Jaaku Lyberth
Nigeriap præsidentiata tamanna iluarinngilluinnarpaa. Nigeriami nunanut allanut arsaattartui, nunat tamat akornanni arsaallunni pissartanngorniuttarnernut ukiuni marlunni unammeqataasarunnaartippai.
Ukiuni tulliuttuni marlunni nunanut allanut unammisartut sungiusarluarnissaat anguniarlugu ukiuni marlunni nunat tamat arsaalluni pissanngorniunnerinut peqataasarunnaarallarnissaat præsidentip aalajangerpaa, præsidentimut oqaaseqartoq Goodluck Jonathan oqarpoq.
Nigeriamiut arsaattartui Korea Kujallermiunut unammigamik tamarmik marlunnik isertitaqarput, taamaalilluni Nigeria VM-imi unamminermi ingerlaqqinngitsoorluni.