Nigeriami eqqissiviilliornerit inuppassuit inuunerannik naleqarpoq

Upperisaq pillugu Nigeriami eqqissiviilliornerit inuit 500-t sinnerlugit inuunerannik maannamut naleqarpoq. Eqqissiviilliortut tassaapput muslimit fulani-nomadit.
marsip 08-at 2010 05:47

Atorfillit ilaat

Nunaannarmi illoqarfiit pingasut, kristumiunit najugaqarfigineqartut, naalagaaffimmi, Plateau-imi, Nigeriami illoqarfiit pingaarnersaata Josip, qanittuaniittut, eqqissiviilliortut ippassaq saassuppaat. Muslimit kristumiullu aattaqaqisumik tamaani aamma siusinnerusukkut aporaannikuupput, nutaarsiassaqartitsivimmut Ritzau taama ilisimatitsivoq.

Takunnissimasut oqarnerat naapertorlugu toqoraanermi arnat meeqqallu toqutaasut amerlaqaat. Arnat meeqqallu ilaat tigusarinnitsiminnit qimaaniaraluartut pullatit aalisakkanullu qassutit atorlugit tigusarineqartarput, toqunneqarlutillu.

Nigeriami præsidentiugallartoq, Goodluck Jonathan, isumannaallisaasussanik ippassaq sakkutuuliivoq, naalagaaffiillu qanittuminniittut kalerrisaarneqarnissamut sillimaqqullugit.

Illoqarfiit pingaarnersaanni Josimi inuppassuit januaarimi toqutaapput, ippassarlu toqoraanersuaq akiniaanerusinnaavoq. Januaarimi akerleriissutaasut tassaapput nunap ilaasa kikkunnit pigineqarneri.