Nielsip Aleqa unammillerpaa
Taassumami qatsulluinnarpaa, Aleqa Hammondip Naalakkersuisut sunut tamanut ajortunut pisuutittuarmagit pisuutitsiniutillu quianaannartumik taallugit.
- Pisuutitsiniutit taamaattut nipituuliuutigissallugit ajornanngitsuaraavoq - akineqartanngikkaanni, Niels Thomsen allappoq. Taassuma takorloorpaa sinerissami oqallitsitsinernik arlalinnik Nuummilu ataatsimik aaqqissuussisoqarsinnaassasoq, tassa Aleqa Hammond peqataajumassappat. Kisianni Aleqa Hammondip Niels Thomsenimik oqalliseqateqarusunnani Radioaviisimut oqaatigaa.
- Kuupik Kleist oqalliseqatigerusunneruara, taanna oqarpoq, taamaattorli Niels Thomsenimut oqaatigalugu, Inatsisartut ukiakkut ataatsimiinneranni, ataatsimiittarfimmi oqalliseqatiginissaanut periarfissaqarluarumaartoq.