Ullumi nunatsinni aalisartut ulloraat assigiinngitsunillu sinerissami pisarnertut iliortoqarpoq. Aalisartut Ulluat eqqorlugu KNAPK-mi Niels Carlop aningaasaateqarfianit nersornaasiisoqarpoq 5000 koruuninik aningaasartalinnik
Jens Samuelsen aamma Lars Qvist Uummannameersut, Illorsuarni pinngortitap piliaanik aalisartut ajunaarnerannut atatillugu iliuuseqarsimasutut nersorniarneqarput.
Nathaniel Jensen, Kullorsuarmiit, Johannes Rosing, Maniitsumiit
kiisalu Ejnar Jakobsen, Arsummiit aalisartut peqatigiiffianni sulilluarsimasutut nersorniarneqarput.