Nick Nielsen Ilulissani atorfilittatut qullersanngortoq
Avannaata Kommuniani aningaasaqarnermut ataatsimiititaliap pingasunngornermi ataatsimiinnerani ingerlatsivinni pisortaanerit atorfinitsinneqarput.
Nick Nielsen Avannaata Kommuniani teknikkeqarfimmi novembarimi atorfinitsinneqarpoq. Avannaata kommuniani borgmesteri taama nalunaaruteqarpoq. Tamatuma saniatigut pisortaanerit pingasut aamma toqqarneqarput.
Bea Mølgaard Lennert Avannaata Kommuniani ataatsimoorussilluni ingerlatsivimmut pisortaanertut atorfinitsinneqarpoq.
Ane Louise Løvstrøm Avannaata Kommuniani Ilaqutarinnermut Inunnillu Isumaginnittoqarfimmut pisortaanertut atorfinitsinneqarpoq.
Hans Eriksenilu Avannaata Kommuniani Atuarfeqarnermut pisortaanertut atorfinitsinneqarpoq.
Taamaalilluni Avannaata Kommuniani ingerlatsivinni pisortaanertut atorfiit tamarmik inuttalerneqarput, pisortaaninngortullu Avannaata Kommuniani suliassaaleqissanngeqaat. Avannaata Kommuniani borgmesteri, Palle Jerimiassen taama nalunaaruteqarpoq.
AAMMA ATUARUK Nick Nielsen unioqqutitsisumik soraarsinneqartutut taarsiiffigineqarnissaminut akuerineqartoq
Nick Nielsen Qaasuitsup Kommunerisimasaani eqqunngitsumik soraarsitaasimanerminut millionit koruunit sinnerlugit 2016-imi taarsiiffigineqarpoq.
Nick Nielsenip 2014-imi politikkimik suliaqarnini unitsillugu Qaasuitsup Kommuniani sanaartornermut avatangiisitullu pisortatut atorfimminut uteqqinnissaminik kissaateqarnerata kingorna eqqartuussivimmut suliassanngortitsisoqarpoq.
Atorfimminut uteqqinnissaa akuerineqanngilaq, tamatumalu kingorna kommuni eqqartuussivimmut suliassanngortippaa. Nunattalu Eqqartuussisuuneqarfianit 1,2 millionit koruuninik taarsiiffigineqarnissaa aalajangerneqarpoq.
Qaasuitsup Kommuniata eqqartuussut suliareqqitassanngortippaa, eqqartuussulli Kalaallit Nunaanni Eqqartuussivimmit kingorna aalajangersarneqarpoq.))
