Nick Nielsen illoqarfimmini tikilluaqquneqarpoq
Qasigiannguani unnummut nuannattunnguaqarniarpoq.
Qaqqasiortartormi Nick Nielsen umiatsiamik Ilulissaniit nalunaaqutaq arfineq-pingasut missarpiaanni Qasigiannguanut tikissaaq.
Nunarsuatsinni qaqqat portunersaat Mount Everest Nick Nielsen-ip kalaallini siullersaalluni majip ulluisa 29-ianni qaqivaa, Nick Nielsen-ilu Nuummut utertinnagu nunaqqataasa unnumanna nersorniarniarpaat.
Borgmester, Jess Svane, oqaluttuarpoq, Nick Nielsen Qasigiannguit umiarsualiviani persuarsiornartumik tikilluaqquneqassasoq. Qummoroortartoqassaaq, oqalugiartoqassalluni erinarsoqatigiillu aamma mininneqassanngillat.
Tamakku tamarmik pereerpata eqaarsaartarfimmi kikkunnut tamanut ammasumik kaffillertoqassaaq.
- Qasigiannguani innuttaasut tamarmik Nick tulluusimaarutigeqaat. Kalaallit Nunaannut ernerulluartutut oqaluttuarisaanermut ilannguppoq, tamannalu unnugu oqalugiarninni inuttaanut anngutissavara, Qasigiannguani borgmesteri, Jess Svane Radioavisimut oqarpoq.
