"Niaqummitsineq" alutorineqarnerpaanut ilannguppoq

Allattoq Mads Lynge
juulip 31-at 2006 17:00

Frankrigip nunanut allanut arsaattartorisimasaata, Zinedine Zidanep, Italiamiumik, Marco Materazzi-mik, niaqummitsinera alutorineqarnerpaanut ilaalerpoq.

Isikkamik arsaalluni nunarsuarmi pissartanngorniutivittoqareersoq franskit inuusuttut pingasut erinniorlutillu taalliorsimapput.

Erinaq ”Headbutt”, kalaallisuungorlugu ”niaqummitsineq”, 80.000-inngorlugu internetikkut tunineqareersimalerpoq, pisiniarfinnilu tuniniaanermi kisitsisit malillugit erinaq ”Headbutt” sapaatip akunnerata siuliani Frankrigimi tunisaanerpaajusimavoq.

Erinaq minutsit 30-t ingerlanerinnaani allanneqarsimasoq, sinneqartooruteqarnissaa ilimanarluarsinnaavoq, nunanimi 20-ni saqqummersinneqassamaarpoq, saniatigullu spanskisut italiamiusullu saqqummersinneqassamaarluni.