Niaqornarmiut qilalugartassinneqaqqikkumapput

Uummannap Kommuneani ukioq manna qilalukkanik qernertanik 68-inik qaqortanillu arfineq-pingasunik qilalugartassiisoqarpoq, taakkulu novembarip 20-iannili tamakkerneqareersimallutik.

Qilalugarpassuit Uummannap sulluanut pularuttorsimapput, taavanili piniartut isiginnaaginnartariaqartut Niaqornani Aalisartut Piniartullu Peqatigiiffianni siulittaasoq Karl Kristian Kruse ippassaq oqarpoq.

Piniartut tamanna pillugu piumasaqarput qilalugartassasseeqqittoqartariaqartoq, ilaqqinneqassanngippatalu piniartut aningaasatigut aaqqiiffigineqartariaqartut. Uummannami KNAPP-p kattuffik KNAPK suliakkissimavaa, piumasaqaammik naalakkersuisuugallartunut ingerlatitseqqeqqullugu. KNAPK-p siulittaasua Peter Olsen oqarpoq, KNAPK-mit allakkat Pisortaqarfimmut ingerlanneqareersut.

- Uummannami piniartut sinnerlugit piumasaqarpugut, pisassanik piaartumik amerlileeqqittoqassasoq kiisalu

Pinngortitaleriffiup qilalukkerisartui Uummannamut piaartumik takusaasariaqaraluartut. Peter Olsen oqarpoq.

Naalakkersuisut ukioq mannamut pisassiinerminnut atatillugu aalajangersimapput, ukiumi nutaami nalileeqqinniarlutik. Uummannami qernertartassat 68-iupput qaqortartassallu arfineq-pingasuullutik. Taakku tamakkerneqareersut 30-llu sinnerlugit sipporneqarsimasut, sipporlugillu pisat nalunaarut naapertorlugu aappagumut pisassiissutissanit ilanngaatigineqartariaqassasut, Piniarnermut Pisortaqarfimmi allaffiup pisortaa Ole Heinrich ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat