Ilisimatusarneq: Niaqormiineq eqqaamasinnaanermut ima sunniuteqartarpoq
Arsaattartut ilisimatusarnermut peqataatinneqartut niaqormiinermik nalinginnaasumik sungiusarnermik kingorna eqqaamasinnaassusiat 41 aamma 67 procentit akornanni millivoq. Sunniutaalu akunnerit 24-t qaangiummata qaangiuppoq.
Matumani ilisimatusarneq arsattartut nalinginnaasumik niaqormissinerisa kingorna qaratsami allannguutinik toqqaannartumik takutitsisut siullersaraat.
Sterlingimi Ilisimatusarfimmi ilisimatuut maskiina atorlugu arsamik igeriussititsisarput, taamaaliornikkut joornertoqarnerani arsap sukkassuserisartagaa sakkortussuserisartagaalu issuarniarlugu. Arsaattartut ilaat peqquneqarput 20-riarlutik niaqormississasut.
Arsaattartut sungiusannginnerminni sungiusareernerminnilu qaratsamikkut misissuiffigineqarput.
Taamaaliortoqareermallu arsaattartut qarasaanni allannguutaasut sivikitsuinnarmi atuunnersut imaluunniit unammisaqattaarnermik kingorna atuutiinnassanersut misissorneqarpoq.
Doktor Magdalena Ietswaart, ilisimatusarnermi suleqataasoq oqaluttuarpoq timersornermi niaqqukkut ajoqusernerit puigortunngornissamut qanillisaataasinnaanerinik ernumassuteqarnermut atatillugu ilisimatusarneq ingerlanneqartoq.
/ritzau/NTB
