Newfoundlandip eqqaani ammassassuit ataatsimoortorpassuit

Newfoundlandip eqqaani imartani ammassassuit ataatsimoortorpassuit. Tamannalu pissutigalugu qipoqqaat tassunga ussagarput.

Newfoundlandimiup aalisartup soraarnerup qipoqqaq meterinik qulingiluanik takitigisoq sapaatit akunnerani uani sissami nalasoq siumorpaa. Tassani uninngaannarpoq, taamaattumillu Ned Pardyp toqusimanissaa naatsorsuutigisimagaluarpaa. Sunaaffali suli uumasoq, qassutinullu napissimalluni immani ikkattumi nikinnaveeqqavoq.

Aalisartup utoqqaap qissataatiminik qassutinit kaanngartissinnaasimavaa. Taamaalisinnarluni qipoqqaap niaqua qisummik ajattalersimavaa. Ned Pardy CBC-mut oqaluttuarpoq qipoqqaap niaqua avammutn saatsissinnaasimallugu, qippoqqarlu avalaqqissinnaasimasoq.

Sumiiffimmi tassani qipoqqaat arlalissuit qanittukkut takuneqarsimapput, Newfoundlandillu eqqaani ammassassuaqarluarnera tamatumunnga pissutaavoq. Qipoqqaat sissamut qanillivallaarlutik tiningussaasarnerat ajattarlugillu avalatseqqinneqartarneri akulikitsumik pisarpoq.