New Zealandip avannaani qiporaq papeqquminik patitsimmat umiatsiaq aserorneqarsimavoq. Tamanna pivoq, New Zealandimiu Lindsay Wright marlunngormat umiatsiaminik nutaggarivimmik angalaartillugu, angalaartillunili sinilersimavoq.
Qanngorpallassuarmilli itertinneqariasaarsimavoq inuunerminilu aatsaat taamak tupatsigigunarluni tassungaaraq qipoqqaap kiinaa naapissimavaa.
- Qularinngilluinnarpara imminut pajugutigivoq, newzealandermiu tusagassiutinut oqarsimavoq.
Kingorna umiatsiaq putoqaleriarami immattorujussuanngorsimavoq innallaagiarlu qamissimalluni.
Newzealandermiunnguakkuluup ajunaalernermut kalerrisaarut aallartissimavaa taamaalillunilu qulimiguulimmik annaassiniartartunit annaanneqarsinnaasimalluni.