New Zealandimi qeqertat ilaanni White Islandimi qaqqap innermik siorna anitsinerata kingorna, sullivinnik nakkutilliisoqarfiup suliniaqatigiiffiit qulit inuillu pingasut eqqartuussivilersuuppaat. Inuit 22-t qaqqap innermik anitsinerani ajunaarput.

Inuit 47-t qaqqap siorna decembarip ulluisa qulingiluanni tassanngaannartumik innermik anitsinerani White Islandimiipput.

AAMMA ATUARUK New Zealandimi innermik anitsisoqarnerani ajunaartut 19-inngortut

Amerlanerit Australiamit, USA-mit Malaysiamiillu takornariaapput, umiarsuarmut takornariartaammut ilaallutik New Zealandimi White Islandimik takornarniarlutik.

Suliniaqatigiiffiit inuillu assigiinngitsut katillugit 13-it takornariartitsinerminnut atatillugu akisussaaffimminnik sumiginnaasutut sullivinnik nakkutilliisoqarfimmit nalilerneqarput.

- Uissuumminartumik pivoq. Angalatitsisulli angallassaminnik nakkutiginnittussaatitaapput, sullivinnik nakkutilliisoqarfiup pisortaa Phil Parkes oqarpoq.