Toqungasut timaat kinaassusersineqarnissaasa tungaannut inuit ajunaarsimasutut nalunaarutigineqartut arfineq-pingasuujuarsinnarallassasut, nutaarsiassaqartitsiviup Reutersip allaaseraa.Assi: Handout/AFP/Ritzau Scanpix

New Zealandimi politiit toqungasut timaat innermik anitsisartulimmit ikaarukkaat

New Zealandimi qeqertami White Islandimi innermik anitsisoqarnerani inuit inuunerminni navianartorsiortut annanniarlugit annaassiniartartut inuunerminnik navianartorsiorlutik annaassiniaapput.

Politiit New Zealandip nalunaaqutaa malillugu tallimanngornermi taama ilisimatitsissuteqartut nutaarsiassaqartitsiviup AFP-ip allaaseraa.

- Toqungasut timaat qeqertamit Whakaari-White Islandimiit umiarsuarmut HMNZS Wellingtonimut iluatsittumik ikaarunneqarput, AFP naapertorlugu vicekommissær John Tims taama oqarpoq.

Tallimanngornermi aannaassiniartoqannginnerani inuit ataasinngormat innermik anitsisoqarnerani ajunaarsimasutut nalunaarutigineqarput.

AAMMA ATUARUK New Zealandimi innermik anitsisartup ikkulunnera annaassiniartartunut ornigussinnaanngitsitsisoq

Toqungasut timaat kinaassusersineqarnissaasa tungaannut inuit ajunaarsimasutut nalunaarutigineqartut arfineq-pingasuujuarsinnarallassasut, nutaarsiassaqartitsiviup Reutersip allaaseraa.

Innermik anitsisoqarneranit ullut sisamat qaangiummata inuit qulingiluat maqaasineqarlutik nalunaarutigineqarput. Takkunannga arfineq pingasut ajunaarsimasutut nalunaarutigineqarput, arlallit uuneqarujussuarput. Ajunaartuni nukarlersaq Australiamiuuvoq nukappiaraq 13-inik ukiulik.

Innermik anitsisoqarmat takornariat 47-t innermik anitsisup eqqaaniipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat